вести

Порано со илјадарка можеше да се купат многу работи, сега една кеса продукти и пак е малку за еден ручек

(Oвој напис е објавен на: ноември 12, 2018)

Порано со илјадарка можеше да се купат многу работи, сега одвај една кеса продукти и пак е малку за еден ручек, велат граѓаните на Скопје, кои секојдневно се соочуваат со високите цени во маркетите, пазарите.

Платите стагнираат, пензиите не се накачуваат, а цените се кренати до плафон, истакнаа скопјани.

Трошоците на живот во октомври 2018 бележат пораст од 0,3 отсто во однос на септември, а во однос на октомври лани 1,5 отсто. Цените на мало, пак, забележале раст од 0,4 отсто во однос на септември годинава, а во однос на октомври лани 2,7 отсто, објави Државниот завод за статистика.

Пораст на индексите на трошоците на животот во октомври 2018 година, во споредба со претходниот месец, е забележан кај свежиот и разладениот зеленчук, освен компирот и другите коренести плодови за 4,3 отсто, сушениот зеленчук, другиот конзервиран и преработен зеленчук за 1,8 отсто, замрзнатото овошје за 1,1 отсто, другите прехранбени производи за 0,8 отсто, рибата и морските плодови за 0,7 отсто, трбушките, јогуртот за 0,5 отсто, конзервираното овошје за 0,4 отсто, лебот и житата и алкохолните пијалаци за 0,2 отсто.

Во октомври 2018 година, исто така, пораст на индексите на трошоците на животот е забележан и кај гасот за домаќинствата за 6,6 отсто, течните горива за домаќинствата за шест отсто, течните горива и мазива како дел од опремата за сопствени сообраќајни средства за 4,4 отсто, обувките, услугите за сместување за 2,7 отсто, ветеринарните и другите услуги за домашни миленици за 1,4 отсто, туристичките пакет-аранжмани за 1,1 отсто, лековите за 0,8 отсто, облеката за 0,7 отсто, цврстите горива за 0,5 отсто, дисковите, касетите, дискетите, цедеата, филмовите за 0,4 отсто, услугите за култура за 0,3 отсто, другите медицински производи, информатичката опрема, накитот и часовниците за 0,2 отсто.

Намалување на индексите на трошоците на животот во октомври 2018 година, во споредба со претходниот месец, е забележано кај свежото и разладеното овошје за шест отсто, сувото овошје и јаткастите производи за 3,5 отсто, маслото и маснотиите зa 1,8 отсто, другите преработки од месо за 0,5 отсто, месото, сирењето и урдата за 0,2 отсто.

Исто така, намалување на индексите на трошоците на животот е забележано и кај средствата за чистење и одржување на станот за 1,4 отсто, телефон и телефакс-опремата за 1,3 отсто, авионскиот превоз на патници за 1,1 отсто, парамедицинските услуги за 0,9 отсто, фотографската и кинематографската опрема и оптичките инструменти, домашните миленици и сродни производи за 0,4 отсто и големите електрични апарати за домаќинствата за 0,3 отсто.


 

skopjeinfo.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close