вести

Повеќе пари од државата за започнување сопствен бизнис бараат земјоделците

(Oвој напис е објавен на: февруари 6, 2018)

mladi

Финансиската помош од државата за отпочнување на сопствен бизнис на младите земјоделци не треба да биде лимитирана на 10 000 евра, сметаат од Асоцијацијата на земјоделци. За отпочнување на земјоделска дејност потребни се многу повеќе средства, кои треба да бидат доделени според потребите и планот за работа.

-Ако ги добие земјоделецот тие 20 000 или 30 000 евра, тие да бидат навистина употребени за отпочнување на нов бизнис, на нова работа, што ќе биде ефикасна за тој млад човек и што ќе го заинтересира, доколку сега работи во странство, да се врати, да си отпочне своја работа и да остане во Македонија- изјави Ефтим Шаклев, Асоцијација на земјоделци на Р.М.

Во истиот контекст се и забелешките во однос на распределбата на неповратните средства. Од Асоцијацијата бараат промена на критериумите, односно, укинување на мерката, „прв дојден, прв услужен“, за која праксата покажала дека често пати се злоупотребува.

-Таткото ќе му препише 4 декари на синот. Синот оди и аплицира прв, нормално, тоа е однапред договорено. Од платежната агенција му е кажано да ги поднесе документите и уште огласот не е излезен, а тој ги поднел документите и добие 10 000 евра. Тоа не е целта. Така не се развива земјоделието. Тоа го добиваат, да  не речам, привилегирани луѓе, а не вистинските земјоделци и затоа ние сме против тоа-додаде Шаклев

На последниот оглас за мерката „Млад земјоделец“ во Штипско –Карбинскиот регион конкурираа 46 земјоделци, а државна поддршка им беше доделена на само 16 од нив.


 

сител

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close