вестиСовети

РАЗГОВОР НА ТЕМА : КАКО ДА СЕ СТЕКНЕТЕ СО СЕРТИФИКАТ ЗА ОВОШТАР

(Oвој напис е објавен на: февруари 8, 2018)

ovostar

Со Проф. д-р Тошо Арсов
Раководител на Катедра за Овоштарство 
Факултет за Земјоделски науки и храна -Скопје

Почитувани наши,

На барање на неколку членови на ЗЕЛЕНА БЕРЗА , денес го контактиравме Проф. д-р Тошо Арсов ,Раководител на Катедрата за Овоштарство при Факултет за Земјоделски науки и храна -Скопје за да се информираме што значи и како се добива сертификатот за лиценциран Овоштар. Еве што накратко ни објасни Професорот.
Во рамките на Националната програма за развој на образованието во РМ , во делот за Неформалното образование кој е во надлежност на Министерството за образование а кое се однесува на Земјоделството , Фактултетот за земјоделски науки и храна во Скопје во септември 2017 година доби акредитација за издавање на сертификати за Овоштари. За да се стекнете со овој сертификат потребно е да посетувате обука која се одвива во просториите и на парцелите на Факултетот за земјоделски науки и храна во Скопје. Истата е поделена во два дела а ги опфака најбитните операции кај овоштарството и тоа :
– Калемење ( производство на овошен саден материјал)
– Резидба ( подигање и одгледување на овошен насад)
Обуката има околу 120 часа од кои 30 % отпагаат на теорија ( или 6 дена) 10 % отпагаат на оценување ( 2 дена) и останатите 60 % се практична работа ( 12 дена). Предавањата и оценувањето ќе се одвива во просториите на Факултетот. Практичната работа ќе се одвива во овоштарниците кои како опитен насад ги поседува Факултетот, а истите се наоѓаат на истата локација со Факултетот. Исто е битно да се истакне дека едниот дел од обуката се одвива во пролетниот период а другиот дел во есен согласно календарот на операции кои треба да се направат во овошниот насад.Секој од учесниците на оваа обука ќе има по две-три овошки на кои ќе биди обучуван како да ги спроведе потребните операции. Обуката ја водат тим од професор од истиот Факултет и истата чини 30,000 денари плус ДДВ. Стекнувањето со овој сертификат Ве прави практично и теоретски спремен и сертифициран ОВОШТАР со која лиценца можете да го работите Вашиот насад а воедно и да вршите услуги кај други сопственици на овошни насади.
ЗЕЛЕНА БЕРЗА може да ви посредува во пријавувањето .

Очекуваме Ваши прашања и коментари, предлози и мислења во врска оваа постапка за сертификација на овоштарите.

Ваша Зелена Берза
Христина Фуна / Валентина Соколовска

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close