вести

Рудникот САСА започна проект за пошумување на јаловиштето и локалните ерозивни подрачја

(Oвој напис е објавен на: март 22, 2018)

sasa

На Меѓународниот ден на шумите – 21. Март, рудникот САСА потпиша меморандум со Шумарскиот факутет од Скопје за долгорчна соработка во реализација на активности од областа на животната средина и тоа: производство на растителен саден материјал; пошумување на јаловишта и голини; одгледување, нега и заштита на пошумени насади и научни истражувања.

Со меморандумот двете страни се договорија да формираат расадник, во сопственост на рудниот САСА, за производство на шумски саден материјал. Сите финасиски средства за реализација на довореното, вклучувајќи ја изградбата и одржувањето на расадникот, ги обезбедува рудникот.

„Со дел од садниците кои ќе бидат одгледани во расадникот ќе биде пошумено досегашното јаловиште на рудникот, со што обезбедуваме овој терен целосно да се врати во својата природна форма. Останатите садници ќе бидат наменети за пошумување на голите ридови во поширокиот регион што ќе влијае на намалување на ерозијата на земјиштето и појавата на одрони кои предизвикуваат чести проблеми во овие краеви“, изјави генералниот директор на рудникот САСА, Нил Стевенсон, нагласувајќи дека „токму планското пошумување е еден од приоритетните решенија за 16-те најгорливи еколошки точки, идентификувани од страна на граѓанските организации и Владата и затоа сме многу задоволни доколку со оваа инвестиција придонесуваме кон решавање на овие состојби“.

Покрај стручната поддршка во изградба и одржување на новиот расадник, Шумарскиот факултет ќе изврши и теоретска и теренска обука на персоналот на рудникот САСА за тоа како ефикасно да се врши пошумувањето на јаловиштето и ерозивните површини во регионот.

„Заштитата на животната средина е комплексна област за која неопходни се разбирање, научен пристап, соработка и финансии. Партнерството кое го воспоставивме со рудникот САСА ги содржи сите овие компоненти што е гаранција дека целите на овој проект ќе бидат остварени“, истакна деканот на Шумарскиот факултет, проф. д-р Кирил Сотировски.

Воспоставувањето на соработката меѓу рудникот САСА и Шумарскиот факултет, која на долг рок ќе придонесе за пошумување на значајни површини во источниот дел од земјата, го поздрави и градоначалничката на Македонска Каменица, Соња Стаменкова.

„Грижата и унапредувањето на животната средина треба да биде трајна обврска на сите. Овој проект претставува одличен пример како треба да се размислува и делува, и надвор од она што како неопходен миниум го пропишуваат законите. Го охрабрувам рудникот САСА да продолжи со реализацијата на оваа активност која ќе донесе големи придобивки и за локалната заедница“, изјави градоначланичката Стаменкова.

Инаку, токму за идејата за овој проект, како и за сите досегашни активности во доментот на заштитата на животната средина, рудникот САСА го доби годинешното признание „Најдоброто од истокот“ што го доделува Здружението на новинари на Македонија – Регионален ценар Исток.


 

а1он.мк

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close