Агро бизнисВестиТоп вести
Студено утро: Берово, Скопје и Битола утрово се разбудија на минус 6 степени
Утрово минус три степени се измерени и во Ѓевгелија, Кавадарци и Прилеп
Во утринските и претпладневните часови по одделни котлини ќе има појава на магла. Во текот на денот времето ќе биде сончево со мала до умерена локална облачност. Ќе дува слаб променлив ветер.
Во Скопје, претпладне во делови од котлината ќе има појава на магла. Во текот на денот времето ќе биде сончево со мала облачност и претежно тивко.
Утринските температури во 6 часот изнесуваа минус 6 степени во Берово, Битола и Скопје, минус 5 во Струмица и Демир Капија, минус 4 во Велес, Штип, Куманово и Тетово.
ВРЕМЕТО ВО СЛЕДНИТЕ ДЕНОВИ: До крајот на седмицата времето ќе биде сончево со мала до умерена облачност и претежно тивко. Во утринските и ноќните часови по одделни котлини ќе има појава на магла.
