Субвенции за подигнување на нови овошни и лозови насади

До 29 февруари лозарите и овоштарите ќе можат електронски да аплицираат за финансирање на нови насади подигнати од 1 октомври до 31 декември 2015 година.

Субвенциите се од 50 до 75 проценти во зависност од возраста на земјоделецот и местото на насадите.

Право на овие пари имаат евидентираните земјоделци со површина од најмалку половина хектар.

Треба да имаат и агрохемиска анализа на почвата и платена водарина и пашарина.

Досега за оваа намена се исплатени повеќе од 1,1 милион евра на  400 земјоделци.