Премиерот Мицкоски – Владата почна редовно да ги исплаќа субвенциите
Во првиот квартал од оваа година, скоро за 5% е зголемен извозот на земјоделски производи
Премиерот Христијан Мицкоски информира дека веќе се исплатени старите долгови кон земјоделците и веќе тековно се сервисира обврските кон нив.
Владата во земјоделство вложи исклучително многу, при што се вратија и старите долгови. Направен голем чекор и со тоа што во првиот квартал од годината речиси за 5% е зголемен извозот на земјоделските производи, изјави премиерот Христијан Мицкоски во одговор на прашање дали се следи извозот на земјоделски производи поврзано со Полог, кој важи и е претежно земјоделски крај.
-Во првиот квартал од оваа година, скоро за 5% е зголемен извозот на земјоделски производи. Кај тутунот се постигна историски рекордна цена, и кај останатите земјоделски производи. Но, исто така и во овоштарството. Така што можам да кажам дека тука е направен голем чекор напред. Но, тука не застануваме – продолжуваме понатаму. Убеден сум дека во периодот којшто следи ќе постигнеме уште подобри резултати, бидејќи тоа влегува во бруто-домашниот производ, и тоа е многу важно за да се развиваме во правилна насока. А ние, како Влада, ќе продолжиме да ги поддржуваме земјоделците – рече Мицкоски.
Тој информира дека од годинава владата почна тековно да ги сервисира обврските кон земјоделците бидејќи се отплатени старите долгови.
