Трипуновски-Ниедна вода не може да ја измие неспособноста на СДСМ во земјоделството

Ниедна вода не може да ја измие неспособноста на СДСМ во земјоделството каде што направивте пепел и на ниедна ваша лага не верува ниту еден од земјоделците кои наместо да се радуваат кога ќе пристигне родот за продажба, кошмари ги мачат дали ќе го продадат своето производство и дали барем ќе си ги повратат средствата од вложеното, а тие ваши „успешни“ политики ја направија Македонија од извозно ориентирана во увозно зависна држава за храна која питачи кај комшиите за литар масло и килограм брашно.

Се чудам и кој ви дал за право да ги споменувате тутунарите? Истите оние кои ги омаловажувавте и дозволивте неколку години со ред да им се откупува тутунот по мизерни цени!

А фалбата: дека вашата грижа за нив ги исплатила субвенциите е крајно неморална и потценувачка кон тутунарите бидејќи со вашето недомаќинско работење и покрај изгласувањето на измените во законот кој немаше никаква врска со субвенциите, вас ви беа потребни скоро цел месец да почнете со исплата на истите со што докажавте пред сите дека немате пари во буџетот а  тоа што две недели ги малтретиравте тутунарите да одат секој ден пред банки и да се молат дека тој ден можеби ќе има пари за нив точно ја покажува вашата грижа за земјоделците.

Затоа избори веднаш!!!

Цветан Трипуновски

Центар за комуникации на ВМРО-ДПМНЕ