Тутунарите очекуваат помал род, но со подобар квалитет

Годинава тутунарите насадија приближно исти површини како лани, односно повеќе од 14.000 хектари. Од нив на 30 хектари, по неколку години, повторно се враќа и широколистниот тутун од типот „Вирџинија“. Со приближувањето на крајот на бербата, тутунарите годинава очекуваат помал род, но со подобар квалитет од ланскиот.

За оваа сезона склучени се 30.000 договори со 10 монополи кои од тутунопроизводителите сакаат да откупат 26.000 тони. Поради добриот квалитет на родот и големата побарувачка, производителите очекуваат и повисока цена од ланската реколта кога се откупија 19.000 тони во просек по 185 денари за килограм.