Тутунарите сардисани-поради врнежите не можат да влезат во нивите

Поради променливото и врнежливо време тутунарите не можат да влезат во нивите и да го посадат расадот од тутун. Марјанчо Цветкоски тутунар од Прилепско се жали дека нивите во Пелагонско се под вода и не може со тракторите да се влези на парцелите за да се започне со расадување на тутунот.

Расадот порасна, а нашата работа зависи од Господ се жалат тутунарите на социјалните мрежи.

Според УХМР  и во четврток ќе се задржи променливо облачно време со сончеви периоди, а на места ќе има повремени врнежи од дожд со грмежи и засилен ветер. Во петок и сабота ќе преовладува сончево и потопло време со умерена облачност, а од недела повторно се очекува дестабилизирање на времето.