Тетовското јаболко пред исчезнување, наместо да ги кројат овоштарите ги корнат јаболковите насади

Тетовските земјоделски производи далеку познати во земјите од поранешна Југославија полека исчезнуваат. Сѐ помалку нивите се засадуваат со тетовски грав, а познатиот тетовски бренд јаболкото сè поретко го има во овоштарниците. Селото Брвеница кадешто живеат над 1.000 семејства порано егзистираше од овој производ, а сега тетовскотo јаболко мештаните го одгледуваат колку за себе.

Велат дека не им се исплаќа да го одгледуваат овој производ, оти за него, како и за многу други земјоделски производи нема откуп, а препаратите годинава се прескапи.

Драголуб Зафировски од Брвеница порано на своите ниви имал засадено над 5 декари со јаболкови насади. Но, од година в година тој ги корне, а сега има јаболка само на околу 2 декари.

– Со јаболката во Брвеница состојбата е катастрофална. Како што вели народот, јаболка не можеш да најдеш ниту за лек. Порано од Русија и од Србија доаѓаа шлепери и ни ги откупуваа јаболката. Не ни даваа некоја висока цена, но барем имаше откуп, сега немаме никаков откуп. Колку сакаш труди се преку цела година, троши за препаратим па и на позитивна нула да бидеш, ако немаш откуп бадијала е сè. Проблем имаме и со климатските промени. Знае некогаш наутро да има ниски температури и да се уништи јаболката. Тука нас никој не не есапи, сосема сме заборавени од властите и од овие и од претходните, вели Зафировски.

Целиот текст https://www.slobodenpecat.mk/