вести

Земјоделците сѐ потешко се одлучуваат за осигурување

(Oвој напис е објавен на: март 22, 2018)

zemjodelci

Земјоделците се на прагот на рентабилноста, трошоците за производство им се повисоки од продажните цени на производите поради што многумина од нив не ни размислуваат за осигурување.
Иако Владата субвенционира дури 60 отсто од трошоците за осигурување на земјоделските посеви, одзивот кај земјоделците е многу мал и дополнително се намалил минатата година.
– Повеќето од земјодeлците работат без профит, колку да ги покријат трошоците за производството и нешто да им остане за живот. Поради ова, најголем дел од нив не размислува да ги осигури нивите, посевите или, пак, овоштарниците и лозјата. Сето ова е резултат на погрешните политики што ги преземаат властите, но генерално земјоделците не се осигуруваат зашто заработка скоро и да немаат – вели Андрија Секуловски, кој и самиот се занимава со земјоделство.

Тој додава дека последниве две години земјоделците работат колку да преживеат, и дека трошоците се поголеми од продажната цена на производите. Бидејќи на земјоделците не им останува приход, тие немаат за осигурување.
– Многумина инвестираа во нова опрема за да искористат дел од средствата што се даваат преку разни програми, па сега мора да исплаќаат кредити за обновена технологија. Некои се незадоволни од осигурителните компании, но тоа е многу мал дел земјоделци што во брзањето да потпишат договор не ги прочитале сите детали од договорот и подоцна останале без осигурување поради некои финеси. Но тоа е многу мал дел, повеќето се обесштетени, но едноставно земјоделците немаат пари за осигурување – истакна Секуловски.
Неодамна надлежните најавија измени во осигурувањето во земјоделството бидејќи бројот на склучени полиси и покрај субвенциите се намалува.
– Мора да најдеме начин како земјоделците да ги осигуруваат своите посеви, наместо да се чека обесштетување од државата како изминатиов период. Затоа се размислува за нов модел – неодамна соопшти министерот за земјоделство, шумарство и водостопанство Љупчо Николовски.

Тој истакна дека осигурувањето е клучно во земјоделството особено поради климатските промени, кои во последниве години се сѐ поизразени.
– Во минатото имаме достигнато мерката да биде искористена во износ од 71 милион денари, и за оваа година повторно се предвидени овие средства, но реализацијата од година на година се намалува. Како Влада се обврзуваме дека мора да најдеме начин како земјоделците да ги осигурат своите посеви. Не постои една мерка за решавање на овој проблем. Затоа се одлучивме за длабински, функционален, нов систем на краток, среден и долг рок – информира Николовски, додавајќи дека во таа насока ќе се користат искуствата на Шпанија и на Турција.
Директорот на Агенцијата за супервизија на осигурување Климе Попоски, истакна дека бројот на осигурителни полиси во земјоделството е намален за околу 60 отсто. Во 2015 година бројката на полиси била 5.000, а лани се продадени само 2.000 полиси. Во просек, годишно досега за осигурување во земјоделството од елементарни непогоди се исплаќаа по 300 милиони денари.


 

новамакедонија

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close