Дизелот поскапува 5,50 денари за литар, ќе чини 104,50 денари
Бензините поевтинуваат 1,50 денари за литар. Суперот ќе чини 101, а обичниот 95 ќе биде 99 денари за литар
Од полноќ возачите ќе треба да издвојат 5,50 денари повеќе за литар дизел гориво, додека оние чии возила се на „обичен“ или „супер“ безоловен бензин, ќе плаќаат помалку, за 1,50 денари за литар. Ова го одлучи Регулаторната комисија за енергетика која ги соопшти новите цени на горивата, кои што важат од утре.
Така, од 22.09.2026 година од 00,01 часот максималните цени на нафтените деривати ќе изнесуваат:
Моторен бензин ЕУРОСУПЕР БС-95 99,00 (денари/литар)
Моторен бензин ЕУРОСУПЕР БС-98 101,00 (денари/литар)
Дизел гориво ЕУРОДИЗЕЛ БС (Д-Е V) 104,50 (денари/литар)
Масло за горење Екстра лесно 1 (ЕЛ-1) 102,50 (денари/литар)
Мазут М-1 НС 50,078 (денари/килограм)
Од РКЕ појаснуваат декa малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/литар, додека малопродажната цена на ЕУРОДИЗЕЛ (Д-Е V) се зголемува за 5,50 ден/литар.
Малопродажната цена на Екстра лесното масло за домаќинство (ЕЛ-1) се зголемува за 5,00 ден/литар.
Малопродажната цена на Мазутот М-1 НС се зголемува за 1,835 ден/кг и сега ќе изнесува 50,078 ден/кг.
