АХВ негира дека Миланов поднел оставка поради притисокот од сточарите
„Му порачуваме на господинот Џемаили да не си припишува значење и влијание што во конкретниот случај ги нема. Кадровските одлуки од ваков вид се прашање на лични, политички и институционални одлуки, во кои барањата на Асоцијацијата на сточари не се фактор“, се наведува во реакцијата на АХВ.
Агенцијата за храна и ветеринарство (АХВ) ги отфрли тврдењата на претседателот на асоцијацијата на сточари Насер Џемаили дека оставката на досегашниот директор Оливер Миланов е резултат на притисокот и незадоволството на сточарите поради доцнењето на вакцините против сипаници кај овците и козите.
Во демантот, АХВ наведува дека станува збор за лична интерпретација на настаните, која, според институцијата, не ја одразува вистинската природа на кадровската одлука.
„Му порачуваме на господинот Џемаили да не си припишува значење и влијание што во конкретниот случај ги нема. Кадровските одлуки од ваков вид се прашање на лични, политички и институционални одлуки, во кои барањата на Асоцијацијата на сточари не се фактор“, се наведува во реакцијата на АХВ.
Од Агенцијата додаваат дека обидите барањето на сточарите да се претстави како причина за заминувањето на Миланов се неосновани и не придонесуваат за објективно информирање на јавноста.
