Кој безделничи оди во затвор – некогаш било вака!

Решение за пресуда која датира од 1951 година. Според документот, се казнува маж на 90 дена затвор кој долго време никаде не работи и безделничи, а покрај тоа користи мотор и немилосрдно троши бензин…, се вели меѓудругото во пресудата.

ноември 10, 2023

552

Дејан Трајковски, професорот од Техничкиот Факултет во Битола на социјалните мрежи сподели документ – решение за пресуда кој датира од 1951 година. Според документот, се казнува маж на 90 дена затвор кој долго време никаде не работи и безделничи, а покрај тоа користи мотор и немилосрдно троши бензин…, се вели меѓудругото во пресудата.

„Тој е крив што долго време никаде не работи, а не сака ниту да се вработи, животот го поминува во безделничење и скитање, го гледаат во разни непожелни друштва, покрај тоа има и мотор кој немилосрдно користи и троши бензин, па затоа
се казнува со затвор во траење од 90 (деведесет) дена.
Смрт на фашизмот слобода на народот.
25-I-1951, стои во документот што го сподели професорот Трајковски на Фејсбук.

На постот следуваа многу коментари, а меѓудругото некои од нив сметаат дека овој закон треба да важи и денеска.

„Денес треба истиот закон да се донесе и до 16 часот да се забранат кафеаните да не работат. Способни не работат си чекаат социјално, не се женат само кафана и кладилница. Невработени еден куп, а, работна сила нема. Неработници во администрација повеќе од половина. Дојди сабајле и скитај по кафани и бркај си приватни работи. Дел од вработените во администрација си имаат и свои фирми дури и државните возила си ги користат за лични потреби“, се вели во еден од коментарите на Фејсбук, а пренесува Вечер.