вести

Македонија за пет месеци на Косово има извезено стока за сума од 100 милиони долари, а увозот изнесува 15 милиони долари

(Oвој напис е објавен на: јули 23, 2018)

Целосно прекина извозот на земјоделски производи за Косово. Според податоците на Царинската управа денес ниту еден камион со овошје и зеленчук не излегол од Македонија преку граничниот премин Блаце.

Повисоката царина што Приштина ја бара за увоз веќе петти ден ги остави без работа трговците на големо, а овошјето и зеленчукот скапува во магацините.

Дали воведувањето на контра мерки ќе има ефект со оглед на тоа што извозот кон Косово е неколкукратно поголем од увозот?

Засега се уште се тактизира. Се знае само дека в среда министрите од регионот во Белград ќе бараат решение за косовската царина. Српскиот министр за трговија Расим Љаиќ побара Приштина да реши дали е во ЦЕФТА или не. Нашите министри се подготуваат за средба со косовските власти во петок. Во меѓувреме бизнисмените од Македонија, пак, очекуваат брзи реакции од Владите.

„Ние како комора ја направивме првичната проценка и сметавме дека чинот од Косово не е е во духот на соработката што ја имавме со нив, се губи пазарот и цената на производот.“ – изјави Дриљон Исени,  извршниот директор на  Стопанската комора на Северозападна Македонија

Но и покрај непродаденото овошје и зеленчук цените на зелените пазари денес беа исти или сосема минимално намалени. Продавачите тврдат дека нема кој да купува.

Косово е значаен трговски партнер за Македонија. Една од ретките земји каде имаме суфицид, односно повеќе извезуваме отколку што увезуваме. Во првите пет месеци од годинава во Косово се извезени 100 милиони долари, а увозот е само 15 милиони. Лани бројките покажуваат дека извозот стигнал до 225 милиони долари, а увозот 37.

За проблемот со повисоката царина деновиве реагираше и Европската Комисија. Но од Косово тврдат дека таа е од времен карактер со цел да се заштити домашното производство.


 

24мк.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close