вести

Ниската цена на јаболкото ќе ги извади овоштарите на протести

(Oвој напис е објавен на: ноември 6, 2018)

Ниската цена на јаболкото може деновиве да ги извади револтираните овоштари на протести.

Велат дека тотално се во минус оваа година со работата, затоа што индустриското јаболко се продава за 1 денар по килограм, а трпезното за 7,8 или 10 денари, што исто така е нерентабилно. Додаваат дека имаат високи трошоци за производство, прскање, за плаќање на работна рака.

„Производствената цена е 10.5 денари, и луѓето се во минус. Оваа година имаме хиперпродукција на јаболко. Се разидоа побарувачката и производството. Луѓето се револтирани, оние кои живеат само од јаболко, а другите кои се вработени,  имаат економски излез. Вкупното производство се проценува дека е 135.000 тони, од кои 65.000 тони се трпезни јаболка, а другото е индустриско јаболко“, вели Љубе Пампулески, претседател на здужението на овоштари „Благој А. Котларовски“ од Ресен.

Додава дека веќе има најави за одржување на протести. За споредба, лани поради мразот, цената беше повисока, а производството помало, и доволно за потребите на македонскиот пазар.

Лани цената беше солидна, се движеше над 20 денари по килограм, имаше околу 15.000 тони производство вкупно“, додава Пампулески.

Наведува дека од оваа гранка зависат околу 4000 овоштари, односно 4000 семејства.

Се надева дека за 15 дена ќе се стабилизира цената на јаболкото на 15 денари за да има некаква економска исплатливост. Бидејќи се доведени на раб на егзистенција, бараат и надлежните да им помогнат.

Министерството за земјоделство, шумарство и водостопанство деновиве информираше дека континуирано ја следи состојбата на пазарот, воведува нови и интервентни мерки, со цел да овозможи подобри услови за работа за сите учесници во агро-секторот, вклучително и овоштарството.

„Поради временските непогоди оваа година забележана е поголема количина на индустриско јаболко, кое не може целосно да биде преработено во преработувачките капацитети. За регулирање на оваа состојба и постигнување рамнотежа на пазарот, МЗШВ подготви интервентна мерка која ќе биде дискутирана на следната владина седница и финализирана до крајот на оваа недела“, соопштија од МЗШВ.

Преку Програмата за рурален развој МЗШВ предвидува поддршка и за преработувачките капацитети, со цел да овозможи поголем простор за откуп на призводите и извоз од државата, наведуваат надлежните.


 

faktor

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close