Агро бизнисВестиМакедонијаТоп вести
Денес повремени локални врнежи од дожд и засилен јужен ветер (наместа над 60км/ч.)
По градовите минимална температура ова утро е во интервал од 5°C во Берово до 11°C во Демир Капија. Најмногу дожд за изминатите 24 часа до 07 часот наврна во Лазарополе 29 l/m².
Променливо облачно и потопло со повремени локални врнежи од дожд. Ќе дува умерен до засилен јужен ветер.
Во Скопје, променливо облачно со услови за повремен дожд. Ќе дува умерен јужен ветер.
ВРЕМЕТО ВО СЛЕДНИТЕ ДЕНОВИ: Следува период на променливо облачно време со повремени врнежи од дожд. Поинтензивни процеси се очекуваат од средината на следната седмица кога наместа врнежите ќе имаат пороен карактер и ќе бидат проследени со грмежи и силен ветер (над 60км/ч). Локално ќе наврне поголема количина на дожд (над 20л/м2 за 24часа).
До четврток ќе дува јужен ветер, кој утре ќе биде со засилен интензитет, а од петок ќе дува од северен правец.
