Парична помош за земјоделските задруги – до 9 јуни е краениот рок за поднесување барање

Денес се објави јавниот повик 03/2025 за економско здружување на земјоделски стопанства заедничко вршење на земјоделска дејност од Програмата за финансиска поддршка на руралниот развој за 2025 година, објави министерот Цветан Трипуновски.

.

На земјоделските задруги им се отвара можност да користат финансиска поддршка за набавка на нови основни средства и оперативни трошоци поврзани со набавените средства.

Максималната вредност на прифатливи трошоци по корисник на мерката изнесува 15.000.000 денари.

Финансиската поддршка се доделува во износ до 90% од вкупно прифатливата вредност на набавката.

Краен рок за поднесување на барање е 09.06.2025 година.