fbpx
Вести

Почна исплатата на субвенциите за тутунот

Во Прилеп почна исплатата на субвенциите за тутунот од ланската реколта. Производителите се пред филијалата на Тутунска банка за да си ги подигнат парите.

pochna isplatata na subvenciite za tutunot

 

Според филијалата, исплата на субвенциите од едно евро за килограм се врши за откупениот тутун до 15 јануари.

Тутунарите се задоволни од добиените, во просек, четири евра за килограм заедно со субвенциите. Парите, велат, се добредојдени за намирување на трошоците во екот на подготовките за новото тутунопроизводство, за орање на површините и расадопроизводство.

Како што информира претседателот на Сојузот на тутунските здруженија Данчо Милески, минатогодишната реколта од преку 20.000 тони е речиси откупена иако законскиот рок е до 15 март.

– Заостанатите количества тутун ќе се преземаат на вагите кои откупувачите ги оставија отворени за што се до 15 март законски обврзани. Според реколтата од над 20.000 тони, треба да се исплатат субвенции од преку 20 милиони евра. Тутунарите годинава добро поминаа со откупот, во просек добија по четири евра за килограм заедно со субвенциите. Она што го добија со откупната цена им останува како заработувачка, изјави Милески.

Во тек се и подготовките за новата реколта тутун. Во Подрачната единица на Министерството за земјоделство се издаваат бели картони како лиценци за производството.

– Интересот за тутунопроизводство останува на ланското ниво. Тутунарите се охрабрени зашто добро поминаа со откупот на ланската реколта, рече раководителот на Подрачната единица Коста Дурланов.

Тагови

Слични написи

Back to top button
Close