Прегласување во седум избирачки места

За парламентарните избори денеска повторно се гласа во две избирачки места во Крушево, две места во Долнени, и во по едно избирачко место во Желино, Охрид и Струга. Право на глас во овие избирачки места имаат вкупно 4521 избирачи. Вчера гласаа болни и немоќни лица, лица кои се на издржување казна затвор, како и лица сместени во домовите за вонсемејна грижа.

Државната изборна комисија утврди дека ќе има прегласување на седум избирачки места во петтата и шестата изборна единица, откако Управниот суд минатиот петок ги отфрли како неосновани сите седум тужби од коалицијата „Европски фронт“ поднесени против решенијата на ДИК.