вести

Се формира ново здружение на лозари бидејќи лидерот Аризанов го направи вмровско старото!

(Oвој напис е објавен на: јануари 17, 2018)

lozari

Лозарите од Тиквешијата ќе добијат ново здружение, бидејќи во изминатиов период веќе постоечкото, Агротиквешија, на чело со лидерот Љупчо Аризанов беше на мета на критики поради тоа што стана еден вид на политичка алатка на ВМРО ДПМНЕ.

Имено, Аризанов, претседател на регионалниот Сојуз на лозари, Агротиквешија, често беше на мета на напади поради своите политички ставови и завземање на политичка страна, наместо да ги стави во прв план потребите на лозарите, кои се во незавидна положба во изминативе години поради редовните проблеми со откупот, цената и исплатата на грозјето.

Тој неретко беше во првите редови на партиските митинзи на ВМРО ДПМНЕ и гласен говорник на протестите на ,,За заедничка Македонија’’.

Постапката за формирање на нова невладина организација која ќе се бори за оставрување на правата на лозарите и подобри услови за лозарството веќе била отпочната. Лозарот Трајче Кулев од Кавадарци бил избран за прв човек на новото здружение, и за регионалната телевизија КТВ изјавил дека ќе се занимава со проблемите на лозарите, без при тоа да дозволи политиката да навлезе во него, како што беше случај со Агротиквешија.

-Нема да дозволиме ниту еден претставник од раководството да внесува политика во здружението, бидејќи така нема напредок – потенцирал Кулев.

Новото здружение ќе започнело да дејствува на терен по завршување на правните процедури, односно по регистрацијата на истото.


 

фокус.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close