вестиМакедонијаТоп вести

Се менува Законот за ДДВ, ќе се прифаќаат електронски издадени фактури

Со крајна цел да се олесни процесот на издавање, пренос и прием на фактура, ќе се даде можност за користење на фактура во електронска форма – pdf или друг електронски формат – се предвидува во измените на Законот за данокот на додадена вредност кои беа усвоени од страна на Владата.

Слично решение од страна на Владата стапи на сила и пролетта со донесената Уредба со законска сила за примена на Законот за данокот на додадена вредност која се применуваше за време на траењето на вонредната состојба. Во тој период даночните обврзници имаа можност фактурите, покрај во хартиена форма, да ги издаваат и во електронска форма. Ова е со цел да се олесни работењето на даночните обврзници, како и да се спречи користењето на хартија со цел намалување на ризикот од ширење на коронавирусот COVID-19.

Дополнително, според законските измени, од 1 јануари 2021 година ќе се изврши и ослободување од данок на додадена вредност за донации дадени кон буџетски корисници за справување со коронавирусот КОВИД-19.

Исто така, со измените за законот, се предвидува да се одложи рокот за плаќање на данокот на додадена вредност заради ликвидносна поддршка на компаниите.

Од 1 јануари 2021 година, се пропишува одредба за примена на повластена даночна стапка од 10% за продавањето храна и пијалаци за консумација на лице место и кетеринг услуги, со исклучок на алкохолни пијалаци.

Исто така, од 1 јануари 2021 година, се пропишува одредба за примена на повластена даночна стапка од 5% за определени занаетчиски услуги коишто се вршат од страна на занаетчии коишто се запишани во занаетчиски регистар.

Извор: Иновативност.мк

Слични написи

Back to top button
Close