Швајцарија со грантови против загадувањето во Струмица

Триесетина градинари и овоштари од струмичко – радовишкиот регион добија грантови во опрема и репроматеријали од Швајцарската агенција за обнова и развој за примена на агроеколошки мерки со цел да не ја загадуваат реката Струмица. Станува збор за грантови во вкупна вредност од 150 илјади долари со кои земјоделците треба да се ориентираат кон квалитетно и еколошко земјоделско производство.

Воведувањето на агроеколошките мерки ќе придонесе кон зголемување на приносите и намалување на примената на агрохемикалиите и водата за наводнување, со што директно ќе се намалат производствените трошоци, како и влијанието врз животната средина истакнаа од УНДП.