fbpx
ВестиВкусот на традицијатаТоп вести

Рецепт за најздравиот сок: СОК ОД АРОНИЈА

Бобинките од аронија е најдобро да се замрзнат и по потреба да се вадат и блендираат, но доколку имате поголема количина од ова овошје, зошто да не си приготвите вкусен и здрав сок.

Рецептот е даден за еден килограм аронија, но вие зголемете ги количините во еднаков однос според планирата количината што ја имате.

ПОТРЕБНИ СОСТОЈКИ:

1 кг бобинки аронија
500 мл вода
400 г интегрален шеќер
½ лимон – сок

ПОСТАПКА:

Во подлабока шерпа или лонец додадете шеќер и вода, па ставете на оган додека да зоврие со повремено мешање. Кога водата ќе зоврие додадете ја аронијата.

Постојано мешајте и бобинките гмечете ги со решеткастата лажица за пире, за да се исцеди што повеќе сок од нив. Кога ќе достигне точка на вриење исклучете го огнот, оставете една минута, па тргнете го садот на страна и оставете да излади.

Процедете ја смесата низ газа, па добиениот сок вратете го повторно на оган да зоврие уште еднаш. Откако ќе проврие додадете сок од половина лимон, промешајте и складирајте во шишиња претходно загреани во рерна на 90 степени – стерилизирани. Значи врел сок во врели шишиња, па затоа внимавајте да не се изгорите.


 

nmd.mk

Тагови

Слични написи

Back to top button
Close