Соопштение до тутунопроизводителите! – Проверете ги податоците во ЕРЗС, да ги ажурирате сите катастарски парцели

СООПШТЕНИЕ ДО ТУТУНОПРОИЗВОДИТЕЛИТЕ

Во пресрет на склучувањето на договорите за реколта 2026 година, ги известуваме сите тутунопроизводители дека податоците за договореното производство на тутун (носител, катастарски парцели и површини) се преземаат исклучиво од Единствениот регистар на земјоделски стопанства – ЕРЗС. Откупувачите немаат право самостојно да внесуваат или коригираат податоци. Сè што не е точно или не е пријавено во ЕРЗС, нема да може да биде опфатено со договор, ниту да биде основ за субвенции. Поради тоа, апелираме: навремено да ги проверите податоците во ЕРЗС, да ги ажурирате сите катастарски парцели (КП), да ја усогласите пријавената површина со реалната состојба. ЕРЗС е основа за договор, откуп и субвенции. Грешка таму – проблем цела година. За ова се известени и откупните компании, кои се должни да го почитуваат ова согласно член 8, став 1 од Законот за тутун, производи од тутун и сродни производи. Коригирајте или отклонете ги сите неправилности навреме, бидејќи многу производители ќе останат без договори во новата реколта!