вести

Струмичките земјоделци задоволни од откупната цена на пролетната зелка

(Oвој напис е објавен на: март 19, 2018)

zelka

Производителите на пролетна зелка од Струмичко се надеваат дека годинава пласманот ќе биде подобар од лани и дека нема да има проблеми со откупот.

Оптимизмот, како што велат, го темелат на почетните откупни цени кои достигнуваат 35 денари за килограм.

– За нас откупната цена на почетокот на бербата на пролетната зелка е сосема задоволувачка. Ако до крајот на производствениот турнус падне под 20 денари, тогаш ќе можеме да кажеме дека имавме добар пласман, вели Ванчо Митев од село Добрејци, член на здружението „Еко градинар“.

И претседателот на Сојузот на синдикати на земјоделци Ристо Велков потврдува дека на почетокот на откупот градинарите треба да бидат задоволни.

– Добро е што засега пролетната зелка не се откупува под 30 денари за килограм. Важно е и земјоделците и откупувачите да инсистираат на продажба и откуп на квалитетно производство, изјави Велков.

Трговците велат дека просечната откупна цена на пролетната зелка ќе зависи од понудата и побарувачката и во соседните земји, но пред се од понудата на нашите градинари.

– Сметам дека на почеток откупната цена од 30-35 денари за килограм е реална. Очекуваме квалитетно производство и се надевам дека за струмичката пролетна зелка ќе има интерес кај купувачите, вели откупувачот Благој Витанов.

Во Струмичкиот регион се засадени околу 1.000 хектари под оваа култура и се очекува принос од над 40 илјади тони.


 

сител

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close