вести

Трибина на лозарите: Утврдени заклучоци од кои нема отстапување

(Oвој напис е објавен на: јануари 29, 2018)

tribina

Со посебни мерки лозарите да бидат обесштетени од државата за старите долгови од визбите. До јуни годинава подрачната единица на министерството за земјоделство да се произнесе за очекуваните количини на грозје, а визбите за планираните количини за откуп. Цената на килограм грозје да се утврди согласно трошоците за производство и просечната нето плата во земјава. За секој килограм грозје визбите да дадат банкова гаранција или државата да даде гаранции. Ова се заклучоците што лозарите ги донесоа на вечерашнава трибина организирана од новото здружение на лозарите, градоначалникот Митко Јанчев, а на која присуствуваа и претставници на владата, на институции и пратеници од Кавадарци.

 

Трибината помина во напната атмосфера поради големото незадоволство кое владее кај лозарите поради неисплатеното грозје, неисплатените субвенции и обесштетувањето за штетите од пролетните мразови.

 

Директорот на платежната агенција Николче Бабовски ги информира присутните лозари дека лозарите и овоштарите од Кавадарци и Росоман се први на списокот кои ќе ги добијат субвенциите за 2017 година во најкраток рок.

 

Советникот за земјоделство во владата, Ленче Николовска нагласи дека револтот на лозарите е оправдан бидејќи проблемите во лозарството се таложеа со години, а производителите беа неми посматрачи. Таа ги информира лозарите дека е изготвен законот за зелена нафта, со кој земјоделците ќе добијат 50 отсто поевтина нафта и оваа мерка ќе биде стартувана во текот на годината .

 

“Се бориме визбите да ви го исплатат гројето. Ја откочивме исплатата на субвенциите бидејќи исплатата беше закочена од претходната влада. Формиравме комитет со кој ќе раководи премиерот Зоран Заев со цел унапредување на состојбите во земјоделството и никогаш повеќе да нема купени, а не платени производи. Исто така правиме напори да се направи ревизија на кој начин е поделена државната земја“ рече меѓу другото Николовска.

 

Најчестите прашања од лозарите беа кога ќе им биде платено грозјето од Стефани винарија и Повардарие. Често тие во своите дискусии негодуваа околу манипулациите кои се прават на нивниот грб. Исто така побараа и грозјето како тутунот да биде стратешки производ.

 

Директорот на инспекторатот за земјоделство Јане Станкоски ги информира присутните лозари дека институциите ја следат состојбата со винарија Стефани. Биле во тек со обидот сопственичката винаријата да ја пререгистрира во Гостивар а виното да го однесе во Валандово. Бидејќи е странски државјанин за неа бил известен и Интерпол.

 

Свои дискуии и предлози имаа и пратениците Панчо Минов и Весна Пемова. Нагласија дека и нивните заложби се во насока на подобри состојби во лозарството.


 

бриф.мк

 

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close