Манифестација за Свети Трифун во Неготино под мотото „Наздрави со вино за љубов и среќа“

Ден на виното „Вранец“, натпревар за најдобри вина и ракии произведени од индивидуални производители, советодавни настани за земјоделците на теми корисни за нив во текот на активностите во аграрот, ликовна колонија, копаничарска изложба на здружението „Стари занаети“, традиционално закројување на винова лоза и културно-уметничка програма.

Ова се дел од настаните што ќе ги организира Општина Неготино од 10 до 14 февруари, во чест на верскиот празник Свети Трифун, кој се смета за заштитник на лозарите и винарите.

„Наздрави со вино за љубов и среќа“ е мотото на манифестацијата во чест на Свети Трифун.