Во село Арвати грозјето зрее со помош на рефлексијата на сончевите зраци од Преспанското Езеро

Во село Арвати грозјето зрее со помош на рефлексијата на сончевите зраци од Преспанското Езеро

Во насока на добра соработка со локалното население и во пресрет на на големиот христијански празник – Успение на Пресвета Богородица, вработените од НП Пелистер со помош на локалното население работеа на уредување на дворот на црквата.

Сместено во подножјето на Баба Планина, во непосредна близина на Преспанското Езеро, Арвати е потпланинско село во кое совршено се спојуваат планинскиот и езерскиот пејсаж. Се одликува со чист планински воздух, густа шума, карактеристична архитектура како и со традицијата на одгледување овошје и лозје. Благодарение на специфичната микроклима, ова село нуди идеални услови за одгледување на квалитетно грозје.
Приказната за Арвати е тесно поврзана со Винаријата Алесто, која што е мала семејна винарија со голема и богата традиција.
Посетителите секогаш имаат можност да уживаат во вкусот на доброто вино, да ги пробаат вкусните домашни специјалитети и да го пробаат вкусното сирење.
Арвати претставува пример за соживот и еден совршен спој на различни култури, спој кој е најсилна нота во комплексниот колорит која е вистинската одлика на ова населено место.

Локалните жители како добри домаќини по повод големиот христијански празник Успение на Пресвета Богородица упатуваат јавна покана до сите верници и добронамерници да ја посетат истоимената црква и селото Арвати.