вестиТоп вести

ЗЕЛЕНИ АФОРИЗМИ

 

Накупците знаат дека водата дава живот. Затоа ги пренесуваат земјоделците жедни преку вода.

**

Седете дома! Помалку ризично е да се дружите со домашните, отколку со коронавирусот.

**

Најмногу јавачи на апокалипсата има меѓу оние што ги јаваат земјоделците.

**

Новокомпонирана поговорка: што ќе посеат земјоделците, тоа ќе ожнеат накупците.

**

Знаат дека иднината е во сточарството. Затоа прават стока од народот.

**

Да била Македонка, Ева не ќе успеела да му го даде јаболкото на Адам: немало да дозволат накупците.

**

Не пасеме сите трева, оние горе јадат трици.

**

Невините како јагниња, секогаш гласаат за волчји закони.

**

Една третина од населението најстрого ги почитуваат мерките за самоизолација. Не излегуваат ни до маркетите.

**

И покрај ризикот од коронавирусот страв му е да остане дома со сопругата. Се плаши од непознато.

Миле Ѓорѓијоски

 

 

Слични написи

Прочитајте исто така

Close
Back to top button
Close