Расчистен случај за лажна пријава за наводно поставена експлозивна направа во училиште во Житоше

На 17.01.2023 од страна на СВР Битола – ОВР Прилеп – Надворешна канцеларија за криминалистички работи поднесе известување до Основното јавно обвинителство Прилеп, поради лажно пријавување за кривично дело „тероризам“, предвидено и казниво по член 394-б од Кривичниот законик.
На 16.01.2023 во 18.16 часот од својот мобилен телефон малолетник, во присуство на неколку малолетници, телефонски пријавил дека во училиште во с.Житоше има поставено бомба. Полициски службеници извршиле проверка, при што било утврдено дека станува збор за лажна пријава. По преземени мерки и активности, извршени се службени разговори со малолетниците, во присуство на родители, при што тие го појасниле начинот на кој го извршиле делото.