Антракс во скопско

Антракс кај теле во скопското село Раовиќ ги крена на нозе институциите. Случајот бил откриен минатата недела од страна на Агенцијата за храна и ветеринарство. Лабораториските анализи покажале присуство на болеста. Угинатото животно било спалено и отстрането а во фармата е направено темелно чистење и дезинфекција.

– Од страна на овластено ветеринарно друштво извршен е преглед и кај останатите животни во фармата како и добитокот кој се одгледува во ова село, при што е констатирано дека нема други заболени грла, велат од Агенцијата.