Од полноќ горивата се продаваат по нови цени.
Според одлуката на Регулаторната комисија за енергетика (РКЕ), бензините поевтинуваат за половина денар по литар, а цената на дизелот се зголемува за еден денар.
Па така, од полноќ литар бензин БС-95 се продава за 76,50 денари за литар, бензинот БС-98 чини 78,50 денари за литар, а литар дизел се продава за 73,50 денари за литар. Екстра лесното масло за домаќинство се продава по 73,50 денари за литар.
По повисока цена се продава и мазутот кој поскапува за 0,424 денари, а еден килограм чини 41,941 денари.
Од РКЕ велат дека со одлуката се врши зголемување на малопродажните цени на нафтените деривати во просек за 0,64 отсто.
