вести

Цената на јагнето ниска, најголем пласман во Италија

(Oвој напис е објавен на: март 19, 2018)

jag

Од 135 до 140 денари е откупната цена на прва класа јагне жива мера за велигденските празници, а италијанскиот пазар и годинава е најголем побарувач, велат сточарите.

Тие не се задоволни ниту од цената, ниту од пласманот. Очекуваат вкупниот извоз да достигне максимум 150.000 грла што е намалување во споредба со лани кога беше 200.000.

– И оваа година нашето јагне најмногу се бара на италијанскиот пазар. Традиционално се извезува и во Хрватска, а според наши сознанија, се бараат одредени количини и во Турција. Цената е ниска, не може да ги покрие производните трошоци. Во однос на пласманот, сметаме дека влијаат два фактора: тоа што Велигден годинава е малку поблиску и јагненцата не се пораснати за продажба. Тоа плус влијае и на цената. Второ, бројот на овци стагнира, не оди нагоре. Се повеќе се напуштаат трлата зашто тешко се наоѓаат овчари, сите бегаат. Овчарската работна рака е многу скапа, не се наоѓаат луѓе, изјави претседателот на здружението на сточари „Даши“ од Дебар Скендер Аме.

Аме имал 700 – 800 овци, но годинава фондот му е намален на 500.

– Лани откупната цена на јагнето беше 130 денари за килограм жива мера, а пред четири години достигна 180 денари. За да биде исплатливо производството, треба да биде најмалку 160 денари за килограм. Нам ни се нуди помалку зашто не сме членка на ЕУ. Италија ни ги царини нашите грла, поради тоа и ни ја намалува откупната цена. Сепак, го бараат нашето јагне зашто е најкавлитетно, објаснува Аме.

Според него, интересот за јагнето се намалува и зашто потрошувачите, посебно младите, се почесто јадат брза храна. Едноставно, ги мрзи да подготвуваат традиционални јадења, немаат време да купат, па уште и да го печат јагнето.

– Италија, но и генерално, другите земји, земаат помалку јагниња зашто младите веќе не сакаат традиционална храна. Трчаат по хамбургери, по суви јадења. Тешко им е да спремаат. И тоа влијае на продажбата, ја намалува. Ист е случајот и со нас, тука, во Македонија. Младите се почесто избегнуваат традиционала и јадат сува храна, смета Аме.

Крајниот рок за откуп на велигденското јагне за италијанскиот пазар е 23 март зашто се потребни десет до недела дена за да се заколат и транспортираат.


 

а1он.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close