Винскиот туризам во последните години станува се поактуелен.
Тиквешкиот регион кој изобилува со лозови насади е оној кој е најпрепознатлив по производство на вино кај нас. Пријатни домаќини кои раскажуваат за приказната поврзана со процесот на создавање на виното е она што ги привлекува домашните, но и странските туристи да ги посетат бројните винарии во Тиквешијата.
Локацијата на винариите, вели Маја Јанчева, менаџер на туризам, дополнително придонесува тие да бидат примамливи за посетителите.
Покрај тоа што овој регион е препознатлив по винскиот туризам и бројните винарии, тој е интересен за посетителите и поради автентичните локации, градби и историско-културни обележја.
