вестиДвор и градинаСовети

Едноставно размножување на хортензијата со резници

(Oвој напис е објавен на: јули 4, 2018)

Хортензијата е род на 70 до 75 видови на скриеносеменици по потекло од јужна и источна Азија (Кина, Јапонија, Кореја, Хималаите и Индонезија) и Северна и Јужна Америка. Таа е листопадна украсна грмушка, раскошна убавица и драгоцен украс на дворот кој буди чувства на топлина, блискост, смиреност, хармонија, поттик и креативност.

Средината на летото е вистинското време да земете резници од грмушката на хортензијата. Размножувањето со резници е лесно и не е потребна посебна техника или опрема.

Грмушките на хортензијата со своите цветни глави ги разубавуваат дворовите во текот на целото лето. Овие украсни грмушки лесно се размножуваат со вегетативни резници, така што за следната година можете да имате подготвени садници на хортензијата, кои сами сте ги одгледале.

Размножување со резници

Средината на летото е вистинското време да земете резници од грмушката на хортензијата. За ваквото едноставно разможување не е потребна посебна техника и опрема. За успешно разможување, потребни ви се:

  • Резници
  • Ножици
  • Природен биостимулатор или хормон за закоренување
  • Саксија за цвеќиња
  • Покривна ќеса

За размножување користиме резници со добро развиени пупки во пазувите на листовите. Притоа, не го употребувајте највисокиот кат на парот листови, затоа што тука пупките (изданоците) се најслабо развиени. За формирање на резници, земете околу 15 см  гранче со 2 или 3 пара листови, каде што пупките се добро развиени.

Резниците формирајте ги, така што, под долниот пар листови ќе се направи благ кос рез, а листовите целосно ќе се отстранат. Кај другиот пар на листови се скратува на половина големина, а резот над листовите е рамен. Се остава околу 1 см стебло над горниот пар листови (види слика).

Употребата на природни биостимулатори или хормони за раст не е задолжителна, но тие можат да придонесат за успешност во закоренувањето и развојот на новите садници.

Вака подготвените резници, треба да се посадат на подготвена подлога под агол од 45°. Длабочината на садење е од 2 до 3 см. Долните пупки (долните изданоци) треба да бидат во земјата, како би се овозможило формирање на нов корен.

За подлога можеме да користиме песок, тресет, подлога за производство на садници, но и обична земја.

Не претерувајте со залевање

Посадената резница ја попрскуваме со вода и саксијата со резницата ја прекриваме со кеса или пластично шише. На овој начин ќе се сочува оптимална влага и ќе се создаде микроклима која позитивно ќе влијае на закоренувањето на резницата. Собната температура, од 20 до 25 °C е оптимална за закоренување. Температурата во текот на ноќта треба да биде малку помала. Редовно проверувајте ја влажноста на подлогата. Не треба да се претерува со залевање, затоа што постои опасност од распаѓање. Поради тоа, препорачливо е да се обезбеди и добра дренажа.

После еден месец, резниците на долниот дел ќе развијат нови корени, после што треба да се посадат во поединечни садови. Најдобро ќе растат под сенка.

Младите растенија треба редовно да се залеваат и да се чуваат да не замрзнат во текот на зимата, а следната пролет да се посадат на постојано место. За време на садењето, младото растение скратете го за 2/3. Тоа ќе овозможи подобро вкоренување и ќе го поттикне разгранувањето.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close