fbpx
Агро бизнисВести

Од први јуни, маски не мора да се носат на отворено, препорача денеска Комисијата за заразни болести

Останува на сила полицискиот час

Од први јуни, маски не мора да се носат на отворено, препорача денеска Комисијата за заразни болести. Останува на сила полицискиот час, но се олабавуваат другите мерки односно се дозволува правење свадби и веселби, а во рестораните и кафулињата на една маса можат да седат до 6 лица. Ваквите препораки до Владата, како што велат од Комисијата, се донесени бидејќи пандемијата стивнува и од недела во недела се намалува бројот на активни случаи.  Комисијата до кризниот штаб на Владата ќе ги предложи следните олабавувања:

  • Од 1 јуни, заштитните маски да не бидат задолжителни на отворено. Маските на сите затворени места, јавен превоз и секаде каде не може да се одржува препорачана дистанца остануваат задолжителни.
  • Да престане да важи забраната за групирање на отворено. При групирање на повеќе лица останува препораката да се носат заштитни маски.
  • Да се дозволи организација на свадби и прослави на отворено со максимум 50% исполнетост на капацитетот во отворениот дел, но не повеќе од 100 гости. Максимум дозволен број на гости на една маса да биде 6.
  • Спортските натпревари кои се играат на отворени терени да се играат со публика, но со максимална исполнетост од 30% од капацитетот на стадионот.
  • Да им се дозволи на угостителските објекти да примаат по 6 гости на една маса,  додека сите останати рестрикции за нив остануваат на сила.
  • Полицискиот час останува на сила.

Од Министерството за здравство велат дека во текот на оваа и следната недела, Комисијата за заразни болести во соработка со организаторите на настани ќе работи на прецизирање на протоколите за одржување на настани и концерти на отворено, а по 15 јуни според договорените протоколи ќе бидат дозволена и организација на ваков тип настани.

„Состојбата е стабилна, но искуството ни покажа дека многу лесно може да се влоши доколку не се почитуваат мерките онака како што се предвидени. Затоа апелирам до стопанските субјекти и граѓаните целосно да се придржуваат до препораките“, велат од Министертсвото.

Во земјавата во моментов бројот на активни случаи е 2.499.https://sdk.mk/index.php/naslovna/od-prvi-juni-ne-mora-da-se-nosat-maski-na-otvoreno-dozvoleni-svadbi-so-100-gosti-politsiskiot-chas-ostanuva-predlaga-komisijata/

Тагови

Слични написи

Прочитајте исто така

Close
Back to top button
Close