fbpx
Агро бизнисБез категоријаВестиМакедонијаТоп вести

Каде ќе се кратат платите, а каде треба да се зголемат приходите. Еве што вели премиерот Ковачевски

Еден од начините за намалување на трошоците е таму каде што има плати кои што се далеку над просекот треба да се намалат во ваква криза

Претпријатијата и институциите кои што креираат загуби, а кои што мора да се покриваат со пари од буџетот, ќе мора да направат рационализација на трошоците, вклучувајќи ги и оние за плати, особено онаму каде што тие се над просекот, изјави денес премиерот Димитар Ковачевски. Истовремено, треба да се зголемат и приходите, особено онаму каде што не соодветствуваат на реалните потреби.

Запрашан за кои институции станува збор и дали подразбира дека овие кратења на расходите и на јавните претпријатија се поради мерките за ранливите категории граѓани, Ковачевски рече дека во земјава има институции и претпријатија кои креираат загуби.

„Од друга страна постојат претпријатија и институции во кои што се креираат загуби и кои треба да се покријат од буџетот, и затоа сметавме дека и менаџмент тимовите на тие јавни претпријатија и институции треба да бидат на високо одговорно ниво и треба да ги намалат трошоците на своето работење и да ги зголемат приходите на компаниите кои што ги водат“. рече Ковачевски.

Тој посочи дека еден од начините за намалување  на трошоците таму каде што има плати кои што се далеку над просекот, во услови на ваква криза треба да се намалат, а таму каде што приходите не соодветствуваат на она што би требало да биде исто така да направат напор да ги зголемат приходите.

Тагови

Слични написи

Прочитајте исто така

Close
Back to top button
Close