Агро бизнисВестиМакедонијаТоп вести
Овоштарите од Преспа бараат-За 100% штета од невремето по 250.000 денари по хектар
По невремето во Преспа
Деновиве во Преспа а пред некој ден и во Бистрица, невремето предизвика големи штети во овошните насади, па јаболкопроизводителите од Преспа и Битолско бараат обесштетување од државата.
Овоштарите од Преспа бараат обесштетување од невремето и помош од државата за поставување на заштитини мрежи.
На Фејсбук страната Јаболкопроизвдители пишуваат-
Во овој период поради климатските промени се појавија огромни врнежи од град.
Работната група вечерва одржа состанок и донесе заклучок да испрати барања до Владата и Министерството за Земјоделие Шумарство и Водостопанство, за да се помогни на земјоделците да опстојат во производството со финансиски средства од буџетот.
Производителите на јаболка бараат:
1. Интервентна мерка и исплата на штета за површините со 100% штета по 250.000 денари по хектар.
2. За површините што имаат процентуално помала штета и сумата на пари да биди процентуално намалена.
3. Општината и градоначалникот да формираат комисија која ќе утврди во која К.О. колкава штета е предизвикана.
4. Земјоделците лично да поднесат барања за проценка и исплата на штета.
5. Државата да изнајде начин дали преку ИПАРД или преку националната програма за подршка во земјоделието, овоштарите да имаат финансиска подршка од 90% од инвестицијата и да постават заштитни мрежи.
Во понеделник( 14.06.2021) со почеток во 20.00 часот во големата сала на општина Ресен ќе се одржи состанок со земјоделците.
