Кире Ристевски- Интерпелацијата на Трипуновски беше соочување на факти и аргументи со дневнополитичко сеење на магла од опозицијата

Вчера на собраниската седница по повод интерпелацијата на Министерот за земјоделство,шумарство и водостопанство Цветан Трипуновски бевме сведоци на соочување на факти и аргументи со дневнополитичко сеење на магла од опозицијата, а се со цел за да оние кои до вчера ја водеа владата и ресорното министерство се обидаа со полувистини и лаги да ги изманипулираат земјоделците обидувајќи се да откинат некој глас повеќе од земјоделците, а притоа заборавајќи дека токму тие и не донесоа до ова дереџе каде што со политиките кои ги водеа во земјоделието успеваа да го пробијат секое дно и каде ние како тутунопроизводители и земјоделци бевме приморани повеќе време да поминуваме на протести отколку на нивите, каде што за нивно време мрзневме по откупните и тутунот ни се откупуваше по мизерни цени за разлика од сега.

Но, тутунарите и земјоделците не забораваат и немаат кратко памтење-како што сакаат некои од опозицијата да ги прикажат, бидејќи ако до вчера ти си бил домаќин во куќата и си ја разрушил до темел најмалку имаш право да зборуваш за оние кои почнале да ја поправаат таа куќа. При тоа и да се обидуваш да креираш јавно мислење преку луѓе кои неможејќи да се пронајдат во Македонија и на кои се им смета, а како алатка користејќи ги социјалните мрежи за таму да добиваат нарачани лајкови, а во живо никој и да не разговара со нив или заминале во странство и од таму да викаат од баџа-ура, а при тоа сосема само делумно познавајќи ги состојбите во тутунопроизводството и земјоделството или само потпишувајќи се на некои соопштенија кои ги добиваат од некои центри- не за доброто на земјоделците туку за  лечење на сопствените фрустрации. При тоа заборавајќи ја најважната работа, а тоа е дека сегашните земјоделци се комплетни личности кои се образовани и кои реално ги познаваат работите и точно знаат кој ги лаже а кој работи во нивни и во интерес на Државата ако не беше трагично ќе беше смешно.

Затоа ние како претставници на тутунопроизводителите јавно го подржуваме министерот Трипуновски и му посакуваме уште поревносно да се бори со сите дубиози со кои се соочува земјоделието за еднаш -засекогаш и навистина да го вратиме тутунопроизводителот и земјоделецот на прво место во државата бидејќи точно ние знаеме дека со него на чело на министерството за овие две години имаме највисоки откупни цени на тутунот и со неговата и подршката на цела влада успешно одолеваме на сите напади со кои се соочува тутунската индустрија на светско ниво.

Со почит

Претседател на Сојуз на тутунопроизводители

Дипл.агроном Киро Ристевски