вестиРурален туризам

ЛАГ од Старо Нагоричане доби решение за регистрација

(Oвој напис е објавен на: јули 2, 2018)

„Абер 2015“, со седиште во општина Старо Нагоричане, е една од 13-те локални акциски групи (ЛАГ) кои добија решенија за регистрација од Министерството за земјоделство, шумарство и водостопанство.

Оваа локална акциска група е формирана во 2015 година во рамки на проект во кој беа вклучени американската и швајцарската амбасада, а ќе делува во руралните средини на Куманово, Старо Нагоричане и Липково, информира претседателот Дејан Ѓорѓиевски.

ЛАГ ја формираа НУ Музеј на Куманово, општините Куманово, и Липково, претставници од бизнис заедницата и поединци.

– Локалната акциска група има за цел да ги слушне барањата на луѓето, членовите сами укажуваат кои се нивните визии и потреби за развој на околината во која делуваат. Нашите проекти и апликации за проекти ги темелиме на потребите на руралното население и на бизнисите што функционираат во руралните средини, рече Ѓорѓиевски.

Решението е прв чекор потребен за премостување на овој период, се до моментот кога локалните акциски групи ќе бидат регистрирани и во Европската мрежа на лагови, што ќе почне паралелно со имплементацијата на Лидер програмата која, пак, е дел од програмата на ЕУ за рурален развој. – Сега ни е понудена институционална и финансиска поддршка од Министерството за земјоделство и очекуваме да си стојат на зборот за да можеме да го премостиме овој период, изјави Ѓоѓиевски.

ЛАГ-овите се облик на јавно-приватно партнерство во кое се вклучени земјоделци, земјоделските здруженија, бизнис-заедницата и локалните самоуправи. Тие имаат можност директно да ги кажат своите барања и потреби за развивање на руралните средини, не само од аспект на земјоделството, туку и од апсект на подобрување на руралната инфраструктура, руралниот туризам и животната средина.

ЛАГ-овитте во Европа, потенцира Ѓоѓриевски, се носечка сила на руралниот развој што подразбира места со повеќе од 1.000, а помалку од 120.000 жители. Кај нас помалку од 100.000 жители влегуваат во таа класификација.

 


 

бриф

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close