Млекарницата „Зелене долине“ е во сопственост на 1200 фармери, со ЕУ фондови поголем развој

Млекарницата „Зелене долине“ од Словенија е компанија која е во сопственост на 1200 земјоделски фамилии кои имаат фарми со крави.

„Кога влегувавме во Европската заедница, постоеше страв од непознато, дали ќе се реализира она што е ветувано, но по некое време откако активно се ангажиравме во 2002 година па до денес, добивме 6 милиони евра неповратни средства и тоа воглавно за опрема и развој. Европа за нас од една страна значеше добивање на неповратни средства кои се користат за развој, а од друга страна добивање конкуренција од Европа која не натера што побрзо да почнеме активно да се развиваме и да конкурираме во Европа- вели Тони Цветковски финансиски директор во млекарница „Зелене долине“- Словенија, која е во сопственост на 1200 земјоделски семејства.

zelene_doline4

Тој вели дека успехот на млекарница, освен европските фондови, се должи на единството на фармерите и нивните заеднички интереси да заработат повеќе од своето производство. Тие постојано се во тек со целокупниот процес на произвoдство, а еднаш месечно, ја одредуваат цената на млекото, заеднички со менаџментот на млекарницата.

Освен позитивното влијание врз развојот на технологијата, европските фондови им помогнале и на фармерите во  зголемување на производството.

-Од 2004 година кога влеговме во Европската заедница, се зголеми нашето производство од 80 на 100 милиони литри. Исто така, се зголеми и нашата продажба, така што до сега имаме реализација околу 60 милиони евра годишно. Исто така, значајно е што нашата компанија е во сопственост на земјоделците, млекарна која е во сопственост на 1 200 земјоделски фамилии кои го продаваат своето млеко кај нас. За зголемување на производството од 80 на 100 милиони литри, исто така и они ги користат ЕУ фондовите, во штали, во механизација и го зголемуваат производството на млеко. Затоа сметам дека таквата соработка треба да биде секојдневна, ние се состануваме секој месец и ги дискутираме постоечките проблеми со кои се соочуваат и согласно нашите можности, настојуваме да се помогне соодветно – изјави Цветковски.

zelene_doline5

zelene_doline

 


 

brif

 

Share Button