Дизелот поевтини, бензините поскапи од денес

Според одлуката на Регулаторната комисија за енергетика (РКЕ), цената на дизелот од полноќ се намали за 1,5 денари за литар, додека бензините поскапеа за еден до 1,5 денар по литар.

Па така, од полноќ литар бензин БС-95 се продава за 87,5 денари за литар, бензинот БС-98 чини 90 денари за литар, а дизелот се продава за 76 денари за литар.

Екстра лесното масло за домаќинство се намалува за 1,5 денари и се продава по 76 денари за литар. Со одлуката на РКЕ од полноќ за 0,252 денари за килограм се зголеми цената на мазутот и истиот се продава за 44,554 денари.