Научници од НАСА направија преносна градина за одгледување зеленчук на Марс
Истражувачи од Универзитеот Аризона во соработка со научници од НАСА направија иновативна градина на надувување која ќе обезбедува храна за астронаутите на други планети.
Прототипот Lunar/Mars Greenhouse ќе им овозможи на астронаутите цела година да јадат здрава и свежа храна додека се на вселенска мисија.
Градината е направена од материјал кој се надувува и изгледа како тунел, а е интегриран со системите за одржување во живот на астронаутите. Јаглерод диоксидот кој го издишуваат астронаутите го користат растенијата и за возврат произведуваат кислород.
Водата за наводнување ќе се набавува на самото место или ќе се носи од Земјата. Потоа водата ќе се оксидира и ќе се додадат хранливи соли.
Целиот процес ќе го имитира одгледувањето зеленчук на Земјата со цел да им се дадат оптимални услови за раст. Се уште се истражува кои растенија, семиња и.други материјали ќе бидат најпогодни за Марс или за Месечината.
Растенијата ќе мора да бидат заштитени од радијацијата на вселената, па веројатно ќе бидат ставени под земја со посебно осветлување како замена за сончевите зраци.
