вестиТоп вести

Некои добиле пари, а некои не-преспанските овоштари незадоволни од интервентната мерка за индустриско јаболко

(Oвој напис е објавен на: август 13, 2019)

Преспанските овоштари не се задоволни во целост од исплатата на стандардната и интервентната мерка за индустриско јаболко. По вчерашната средба со министерот за земјоделство Трајан Димковски во Ресен ,тие реагираат дека кај апликантите кои истовремено бараат субвенции по двете мерки, 1.10 и 1.10 а, им биле исплатени  субвенции само заедна мерка. Во исто време министерот им кажал дека се спорни околу 5000 тони  јаболко и дека овоштарите треба наново да аплицираат, а парите ќе ги добијат во најбрз можен рок, до оваа есен.

-Земјоделците од Преспа очекуваат дека во наредните денови ќе ги добијат парите за предаденото индустриско јаболко за цела 2018 година. Дел од земјоделците добија пари за мерката 1.10, дел за 1.10 а, а за дел од овоштарите имаме информации дека воопшто не добија пари по било која мерка.Оние земјоделци што аплицираа за двете мерки добија само за мерката 1.10. За мерката 1.10а ќе мора да се аплицира повторно. Значи револтот кај земјоделците е што парите од ланската година ќе стигнат околу 1 октомври, пред новата берба на јаболката. Имаме трпение, но незадоволството е големо, бидејќи ни требаат пари да ги покриеме трошоците, за работна рака, за амбалажа и слично, изјави за „Зелена берза“ Томче Николовски, овоштар од преспанското село Евла.

Според Николовски минатата  2018 година, за овоштарите била исклучително лоша година поради што овие пари им значат многу и ќе одат докрај за нивна исплата, бидејќи не се воопшто виновни за било какви административни пропусти.

Овоштарите реагираат  и на социјалните мрежи зошто и покрај ветувањата дека ќе ги добијат парите од двете мерки тоа не се случило.

-Покрај тоа што не се случи исплатата на двете мерки истовремено голем процент од земјоделците немат земено по никоја мерка, значи кај некои не легнаа никакви средства,а ние што не опфаќат двете мерки нормално дека ни ја исплатија помалата сума, реагираат овоштари .

За новото  ветување од министерот Димковски дека парите ќе им бидат исплатени до 1 октомври велат.

-Ме чуди како ќе го решат проблемот за еден месец кога не успееја за четири месеци, велат овоштари од Ресен.

 

 

Вчера Агенцијата за финансиска поддршка во земјоделството и руралниот развој исплати 106 милиони денари за дополнителната субвенција од 3 денари за килограм предадени јаболка во преработувачки и откупувачки центри до 25 декември лани.

Оваа интервентна мерка Министерството за земјоделство ја донесе со цел да се покријат загубите на овоштарите поради проблемите коишто се јавија при откупот на јаболка во ланската реколта и да се ублажат последиците од временските непогоди во изминатиот период.

Министерот Димковски вчера изјави дека се исплатени 106 милиони денари, а на 2.100 овоштари им се исплатени одредени суми во зависност од предадените количества.

Градоначалниот на Ресен Живко Гошаревски, пак, пред овоштарите  посочи дека од последното силно невреме што го зафати Преспанскиот Регион, се уништени 420 хектари, а општината забрзано работи на подготовка на елаборатите со цел земјоделците побрзо да бидат обесштетени.

А.Б

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close