Невреме ги погоди Словенија и Хрватска
По Словенија, бурата ја погоди и Хрватска. Управата за заштита и спасување издаде жолто предупредување за регионите Осиек, Загреб, Карловац и Госпиќ поради грмотевици.
Силна бура проследена со силни ветрови и обилни дождови го погоди поголемиот дел од Словенија денеска попладне, предизвикувајќи значителна материјална штета. Според информациите од словенечката новинска агенција СТА, силниот ветер однел покриви од станбени и деловни згради и соборил дрвја низ целата земја.
Според Информативниот центар на Управата за заштита и спасување на Република Словенија, најтешка ситуација е забележана во пошироката област на Марибор, каде што службите за итни случаи имале најмногу интервенции. Силни ветрови дуваа и на аеродромот во близина на Љубљана, а беше регистриран и налет на бура од 85 км на час.
По Словенија, бурата ја погоди и Хрватска. Управата за заштита и спасување издаде жолто предупредување за регионите Осиек, Загреб, Карловац и Госпиќ поради грмотевици.
