вести

Николовски: Склучени 8 договори за земјиштето од агрокомбинатот Џумајлија, за површина од околу 714 хектари

(Oвој напис е објавен на: ноември 5, 2018)

Министерството за земјоделство, шумарство и водостопанство ги потпиша договорите за огласите за државно земјоделско земјиште до и над 3 хектари во Светиниколскиот регион. За земјиштето од агрокомбинатот Џумајлија се склучија 8 договори за над 3 хектари, со вкупна површина од околу 714 хектари, седум од нив за едногодишни култури, а еден за оранжерии.

Со цел повеќе субјекти да дојдат до државно земјоделско земјиште наместо на 4 географски целини како досега, МЗШВ земјиштето го подели на блокови. Годинава се избегнува и процедурата околу дополнителните услови во однос на предвидената инвестиција и рокот на изведба со што се поедноставуваат условите за учество.

„Претходно земјиштето се објавувало како 4 географски целини, од кои што досега само за две географски целини се склучени договори.За прв пат, сега ова земјиште го поделивме во блокови, а целта е повеќе субјекти да дојдат до земјоделско земјиште и да склучат договори. За разлика од претходните огласи, кога имаше дополнителни услови во однос на предвидена инвестиција и со рокот за изведба на инвестицијата, сега во овој оглас не се предвидени дополнителни услуги, со што се релаксираат условите за учество“, изјави денеска министерот за земјоделство,шумарство и водостопанство, Љупчо Николовски.

Ова плодно земјиште стои необработено цели 7 години, односно по раскинувањето на договорот со Џумајлија во 2011 година. Во 2013 година дел од земјиштето на агрокомбинатот му беше дадено под концесија на компанијата на индискиот бизнисмен Субрата Рој, „Сахара груп“, кој најави инвестиција во висина од 200 милиони евра, не ја реализира.

МЗШВ работи за транспарентна и неселективна поделба на државното земјоделско земјиште и заедно со подрачните единици е во постојана комуникација со заинтересираните странки. При тоа Николовски додаде дека сите мерки на МЗШВ во делот на земјишната политика се во насока, секој хектар обработливо земјиште ќе биде во рацете на вистинските земјоделци. Само годинава се објавија 8 огласи на кои беа понудени околу 8000 хектари. Во процедура е изготовка на инвестициски оглас за земјоделски површини низ цела Македонија, на коишто површини се очекуваат капитални инвестиции, како изградба на оранжерии, објекти за одгледување на добиток, за преработка на примарни сточарски производи, складирање, чување и пакување на примарни земјоделски производи , производство на вино и кланички капацитети. Николовски потенцираше дека во процедура е изготовка на инвестициски оглас за земјоделски површини низ цела Македонија , на коишто површини се очекуваат капитални инвестиции преку градба на оранжерии , објекти за одгледување на добиток , за преработка на примарни сточарски производи , складирање, чување и пакување на примарни земјоделски производи , производство на вино и кланични капацитети.


 

a1on

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close