вести

Органските производители ќе бидат евидентирани во посебен регистар

organsko

Органските производители од идниот месец ќе бидат евидентирани во посебен регистар. Со тоа ќе се има прецизен увид на стертифицираните оператори и каквов вид на органска храна нудат на пазарот. Македонија почнува и да извезува органски производи кој се продаваат во Швајцарија и во Словенија.

Од идниот месец треба да се запишат првите земјоделци во електронскиот регистар на оператори со органски производи со што точно ќе се знае кој има сертификат, каде се наоѓа и што нуди на пазарот.

Лани се регистрирани 3.200 хектари сертифицирани површини за разлика од 2014-та година кога имало 2.300 хектари и 530 органски фармери.

Најголемо учество во органското растително производство или 33 отсто, имаат житните култури, 26 фуражните, 15 се овошки и еден до три отсто лозарството и градинарство.

Во сточарското производство водечка гранка е овчарството со 84 отсто или близу 47.000 овци кои се одгледуваат за органско производство. Козарството и говедарството учествуваат со по четири отсто, а пчеларството со осум проценти.

Иинтересот за македонската органска храна на европскиот пазар се зголемува а Швајцарија и Словенија се први на листата на купувачи.

Последните анализи покажуваат дека на европските и на светските пазари засега се во тренд и се најбарани органскиот ориз и органските јајца.


 

мрт

 

Тагови

Слични написи

Прочитајте исто така

Close
Back to top button
Close