„ПАРИ“открива:Топ 10 компании со највисоки просечни плати во Македонија од 10 до 20 илајди евра
Бизнисот со свињи на „Овчеполка“ од Велес лани и донел вкупен проход од 8,5 милиони евра и добивка од 650.000 евра што е поскромно за 25 проценти од профитирањето во 2019 година. Просечната нето-плата била 139.985 денари.
Од речиси 2.000 евра до 10.000 се месечните просечни нето-плати во ТОП 10 компании по просечна плата, покажува анализата на порталот Пари направена во соработка со БизнисМрежа.мк. Во овие ТОП 10 компании се познати компaнии како „Орка холдинг“, „Авицена“, „Рош Македонија“, но тука е и ракометниот клуб „Вардар“ и „Авто испитен центар“ и компании, кои барем на прв поглед, се помалку познати во јавноста. Она што е интересно за овие компании е што тие, иако се со најголеми просечни плати, финансиски не ја поминале сјајно минатата годината. Токму првите две, во кои се и најголемите просечни плати, биле во загуба, а сите други, освен една, имале значително намалување на добивката.
Секако, упросечувањето на платите секогаш е меч со две острици – тоа може да покаже каде работниците земаат најголеми плати, но можно е тие ништо да не виделе од така големите износи, а целиот просек да биде кренат поради една плата на газдата, или на мал број луѓе околу него. Земајќи го во предвид тој фактор на ризик, еве што велат податоците за фирмите со најголемите просечни плати.
| ФИРМА | ДЕЈНОСТ | ПРОСЕЧНА МЕСЕЧНА НЕТО-ПЛАТА | ВРАБОТЕНИ |
|---|---|---|---|
| Партнер | Агенција за привремени вработувања | 604.660 | 15 |
| РК Вардар | Спортски клуб | 537.446 | 22 |
| НО-МА метал | Други метални производи | 190.281 | 57 |
| Техноскоп | Опрема за водовод и централно греење | 186.990 | 23 |
| Орка холдинг | Управувачки дејности | 164.799 | 28 |
| Овчеполка | Одгледување на свињи | 139.985 | 36 |
| Аксапта мастрес | Компјутерско програмирање | 135.402 | 59 |
| Авто испитен центар | Друго образование | 130.213 | 55 |
| Авицена | Трговија со хемиски производи | 116.989 | 42 |
| Рош Македонија | Стручни, научни дејности | 116.351 | 17 |
Износите се изразени во денари | Извор на податоци: БизнисМрежа.Мк
За Агенцијата за привремени вработувања „Партнер“, како фирма со најголем просек на месечните нето-плати, порталот Пари веќе пишуваше. Претпријатието заработува од отстапување на вработени, најчесто за потребите на државните и јавните институции и си задржува одреден процент од секоја бруто плата. Така диктира законот… Вкупен приход на „Партнер“ лани бил 2,7 милиони евра и овој приход бил за 15,2 проценти поголем отколку во 2019 година, фирмата била во загуба, а просечната нето плата била околу 10.000 евра.
Спортскиот ракомтарен клуб Вардар лани имал 1,2 милиони евра приходи и тие биле речиси 80 проценти помали отколку во 2019 година и фирмата била во загубa, а просечната нето плата била 537.446 денари.
„НО МА метал“ од Охрид се занимава со производство на други фабрикувани метални производи, лани имала над 11 милиони евра приход кој и овозможил добивка од околу 440.000 евра, но таа била помала за 46,5 проценти во однос на 2019 година. Просечната плата во компанијата е 190.281 денар.
„Техноскоп“ од произведените цевки и опрема за водовод и централно греење лани реализирал вкупен приход од околу 5,5 милиони евра, а добивката била 909.000 евра, а овој износ е 33,8 проценти понизок од оној на добивката од 2019 година. Во оваа компанија месечниот просек на платите бил 186.990 денари.
Во „Орка холдинг“ просекот на платите бил 164.799 денари и оваа компанија лани остварила вкупен приход од околу 6 милиони евра и инкасирала добивка од 1,8 милиони евра. Оваа добивка била за дури 70,9 % помала од добивката во 2019 година.
Бизнисот со свињи на „Овчеполка“ од Велес лани и донел вкупен проход од 8,5 милиони евра и добивка од 650.000 евра што е поскромно за 25 проценти од профитирањето во 2019 година. Просечната нето-плата била 139.985 денари.
